Saul është një nga lojtarët më të ndritur që ka nxjerrë akademia e Atleticos viteve të fundit, dhe tashmë për skuadrën e Diego Simeone ai ka regjistruar mbi 250 paraqitje.
25 vjeçari gjatë kësaj kohe ka tërhequr interesim të madh të skuadrave më të mira të Evropës.
Në mesin e tyre ceket interesimi i Manchester United.
Por, Mundo Deportivo shkruan se Atletico nuk do të pranojë largimin e Saul, nëse Manchester United nuk paguan një çmim astronomikë.
Shuma që Atletico kërkon për Saul, besohet të jetë rreth 140 milionë euro.