Milot Rashicës vazhdon t’i rritet vlera në Transfermarkt.
Ylli i Kombëtares së Kosovës është lojtari kryesor i Werder Bremen këtë sezon, duke marrë përsipër udhëheqjen e skuadrës gjermane në një sezon shumë të vështirë për ta.
23 vjeçari shënoi një gol të bukur në humbjen e Werderit nga Bayern Munich në fundjavë te Bundesliga.
Sot, faqja e specializuar për vlerat e futbollistëve, Transfermarkt, ka njoftuar se futbollisti nga Vushtrria, Milot Rashica, nga 20 milionë euro, tani vlen 35 milionë.
Kjo është një rritje prej 75 për qind për Rashicën.
Rashica tani është lojtari më i vlefshëm te Werder Bremen, renditet i 28-ti për nga vlera në Bundesligë, e po ashtu edhe i pari te Kosova.