Me ardhjen e Jose Mourinhos në krye të skuadrës, Tottenham ka filluar të mendojë në plan afatgjatë.
Është Toby Alderweireld lojtari i parë që ka nënshkruar kontratë të re me Tottenham.
“Jemi të lumtur të ju njoftojmë se Toby Alderweireld ka nënshkruar kontratë me klubin deri në vitin 2023”, thuhet në njoftimin e Tottenham.
Mbrojtësi i qendrës i është bashkuar Tottenhamit në verën e vitit 2015 nga Atletico Madrid, dhe në të gjitha garat deri më tani ka regjistruar 179 paraqitje.
