Trajneri i ri i Everton, Carlo Ancelotti, dëshiron në Godison Park ta transferojë mesfushorin e Juventusit, Adrien Rabiot.
Ancelotti ia ka kërkuar drejtuesve të Evertonit transferimin e Rabiot për merkaton e janarit. Italiani dëshiron përforcime në mesfushë dhe e sheh francezin si përforcimin ideal.
Rabiot ka bashkëpunuar me Ancelottin te PSG dhe debutimin e parë me parisienët e ka bërë me italianin si trajner.
Mirëpo siç raporton Calciomercato.com, transferimi vështirë se do të realizohet, pasiqë Juventusi nuk dëshiron ta shesë Rabiotin.
Ideja e Evertonit është huazimi i Rabiot deri në fund të sezonit me opsion blerjeje dhe marrjen përsipër gjysmën e pagës së Rabiot.
Juventus nuk dëshiron ta shesë francezin, mirëpo gjithçka do të varet nga dëshira e Rabiot.