Adama Traore, i formuar në akademinë e Barcelonës dhe i lindur në Hospitalet është shndërruar në objektivin katalanasve.
Sipas “The Sun”, është një nga lojtarët që drejtuesit e Barcelonës e kanë përfshirë në listën e dëshirave.
Anësori i Uolvesit është një nga zbulimet e këtij sezoni, por kërkohet edhe nga Liverpuli dhe Mançester Siti. Çmimi i tij është rritur ndjeshëm duke kapur shifrat afro 70 milionë euro.
Ky është viti i tij më i mirë në karrierë dhe ishte shumë pranë debutimit me kombëtaren spanjolle sepse u grumbullua nga Robert Moreno, por dëmtimi nuk e lejoi. Adama Traore ka debutuar me Barcelonën kur ishte 17 vjeç.