Interi dhe Antonio Conte duket se janë fiksuar keq pas Manchester United.
Pasi morën në verë emra si Romelu Lukaku apo Alexis Sanchez, tashmë kërkojnë edhe një tjetër lojtar nga “Djajtë e Kuq”. Bëhet fjalë për Ashley Young.
Lajmin e raporton Gianluca Di Marzio, sipas të cilit Inter dhe United janë në bisedime të avancuara sa i përket mbylljes së marrëveshjes.
Duket disi e çuditshme, pasi Young është 34 vjeç, por Conte e kërkon me ngulm për pjesën e dytë të sezonit si alternativë në krah. Sipas Di Marzios, Young pritet që të firmosë një kontratë të vlefshme deri në verën e vitit 2021.