Serxho Ramos tentoi deri në momentin e fundit, por nuk ia doli që të rikuperohej në kohë për ndeshjen kundër Sevijes.
Kapiteni i Realit të Madridit ka mbetur jashtë listës së lojtarëve të grumbulluar nga trajneri Zinedin Zidan dhe me shumë mundësi në qendër të mbrojtjes do të luajë Eder Militao. Gjatë ditës së djeshme, mbrojtësi i Realit është përfshirë në një debat me Lukas Vaskezin, pas një ushtrimi në stërvitje.
Të dy kanë debatuar gjatë për një top, por nuk arritën ta gjenin gjuhën e përbashkët. Trajneri Zidan gjithashtu nuk ka përfshirë në listë uellsianin Garet Bejl, i cili vazhdon të jetë në një periudhë të vështirë. Në listë është rikthyer Karim Benzema.