Milani mund ta rivalizojë Manchester Unitedin për mesfushorin e Atletico Madridit, Marcos Llorente.
Drejtuesit e Milanit tani janë të fokusuar në shitjen e disa lojtarëve, mirëpo nuk përjashtohet mundësia për përforcime të tjera.
Rosonerët janë në kërkim të përforcimeve në mesfushë, pasiqë tani luajnë me formacion 4-4-2 dhe e ardhmja e Paquetas është në pikëpyetje.
Calciomercato.com, raporton se Boban dhe Maldini e kanë gjetur zgjidhjen në Madrid.
Marcos Llorente nuk ka arritur të etablohet në skuadrën e Diego Simeones dhe këtë sezon ka luajtur vetëm tre ndeshje nga minuta e parë me Colchoneros.
24-vjeçari dëshiron largimin nga Wanda Metropolitano, ndërsa Atletico mund ta shesë atë për shifrën e 25 miliona eurove.
Interesim për Llorenten ka shfaqur edhe Manchester United. Djajtë e Kuq e shohin spanjollin si alternativën e Bruno Fernandes. Në rast se dështon transferimi i Fernandes, atëherë United do të hidhet në sulm për Llorenten.