Pas Susos i cili fluturoi drejt Spanjës për të kryer vizitat mjekësore para zyrtarizimit te Sevilla edhe Piatek ka gjetur skuadrën e re.
Hertha Berlin raportohet se ka arritur marrëveshje me Milanin për transferimin e Piatek.
Gjermanët kishin ofruar 20 milionë euro për Piatek, mirëpo Milani refuzoi menjëherë ofertën. Ditën e sotme Hertha e ka rritur ofertën në 27 milionë euro dhe bonuse.
Milani e ka pranuar ofertën dhe tani mbetet që Hertha të arrijë marrëveshje me Piatekun rreth pagës.
Piatek pritet të përfitojë më tepër se 2 milionë euro në sezon te Hertha. Agjenti i Piatek nga ana tjetër preferon kalimin te Spurs por për momentin Hertha ka bërë ofertën më të lartë.