Klubi anglez, Evertoni ka këmbëngulur se asnjë ofertë nga Barcelona nuk ka arritur për yllin e tyre brazilian, Richarlison.
Gjatë të mërkurës u raportua se Barcelona ka trokitur dyert e klubit anglez me një ofertë për Richarlison, e cila peshonte 85 milionë funte apo 100 milionë euro.
Megjithatë, Liverpool Echo raporton se këto zëra nuk qëndrojnë dhe se nuk ka pasur ndonjë ofertë të Barcelonës në drejtim të Evertonit.
Por, drejtuesit e Evertonit janë duke u përgatitur për interesimin e intensifikuar për 22-vjeçarin brazilian.
Richarlison, i cili u bashkua me Evertonin në verën e vitit 2018 për një shifër prej 35 milionë funtesh, është bërë ylli kryesor i ekipit duke shënuar më shumë gola se kushdo tjetër në klub që nga fillimi i sezonit të kaluar.
Barcelona besohet se e ka bërë të njohur interesin e tyre për sulmuesin, por të kaltrit po hedhin poshtë raportet e një oferte zyrtare të ardhur nga Nou Camp.
Gjithashtu thuhet se do të duhej një mënyrë oferte më e madhe se shifra e raportuar prej 100 milionësh, nëse ofertat zyrtare materializohen në të ardhmen nga ndonjë skuadër e interesuar.