Drejtori sportiv i Lazios, Igli Tare, ka folur për garën që po zhvillohet në kampionatin italian gjatë këtij sezoni për të gjitha frontet.
Ish-sulmuesi i Kombëtarës së Shqipërisë, Igli Tare deklaroi se skuadra italiane e meriton vendin në të cilin gjendet momentalisht në Serie A, duke i inkurajuar lojtarët ta mbajnë këtë energji pozitive deri në fund të sezonit.
Tare gjithashtu ka përgëzuar edhe trajnerin e ‘’Biancocelesti’’ për punën e mirë që ka bërë deri në këtë periudhë.
I pyetur për parashikimin se si do të përfundojë kampionati italian, shqiptari u shpreh se ka ende kohë dhe se është herët për të folur për këtë çështje.
Lazio gjendet në pozitën e tretë me vetëm 4 pikë larg Juventusit lider, dhe padyshim se ndihet edhe dora e Tares në sukseset e ekipit.