Pas bllokimit të transferimeve që pati në vitin e kaluar, Blutë po menojnë që të përforcojnë ndjeshëm radhët e veta.
Giannluigi Donnarumma, Jadon Sancho dhe Moussa Dembele janë tre synimet kryesore të ish-kampionëve europian.
Me ardhjen e Donnarummas pritet që të largohet Kepa Arizabalaga i cili nuk është duke kaluar formë të mire këtë sezon me londinezët.
Sancho pritet ta zëvendësojë brazilianin Willian, i cili është tashmë 31-vjeçar dhe nuk e ka më atë potencialin që kishtë kur erdhi në Stamford Bridge.
Nëse arrihet akordi me Moussa Dembelen e Lyon, i sakrifikuari në atë pozitë pritet të jetë Tammy Abraham, i cili, përkundër paraqitjeve shumë të mira, pritet të ulet në stol me ardhjen e francezit.
Të gjitha këto transferime potenciale do të krijonin një 11-she të frikshme, me çka edhe Lampardit do t’i shkaktonte kokëçarje pozitive.
