Tashmë është zyrtare, legjenda Iker Kasijas, do të jetë kandidat për president në zgjedhjet e Federatës Spanjolle të Futbollit, që janë planifikuar të mbahen këtë vit.
Pas lajmit që po qarkullonte në media, disa ditë më para, ditën e sotme ka qenë vetë Kasijas, i cili nëpërmjet një njoftimi në “Twitter”, ka konfirmuar lajmin, duke shkruar:
“Po, do të paraqes kandidaturën time në momentin kur do të thirren zgjedhjet e Federatës Spanjollë të Futbollit. Së bashku do përpiqemi të dërgojmë edhe Federatën tonë në majën e botës, ashtu si futbolli spanjoll.”
Kujtojmë që Kasijas, aktualisht është pjesë e Portos, në kampionatin portugez, teksa ende nuk ka komunikuar largimin e tij nga futbolli. Kjo gjë pritet të ndodhë në momentin që ai do të dorëzojë kandidaturën për president të federatës.
Sí, me presentaré a la Presidencia de la @RFEF cuando se convoquen las elecciones. Juntos vamos a poner nuestra Federación a la altura del mejor fútbol del mundo: el de España. #IkerCasillas2020 pic.twitter.com/kHkBChqh4m
— Iker Casillas (@IkerCasillas) February 17, 2020