Juventusi do ta transferojë një tjetër mbrojtës nga gjiganti portugez Porto.
Së paku kështu kanë bërë me dije lajmet e fundit që vijnë nga Spanja.
Don Balon ka raportuar se dy klubet tanimë kanë arritur marrëveshje për transferimin e mbrojtësit të majtë brazilian, Alex Telles.
Mbrojtësi i majtë brazilian është ndër më të mirët në Evropë dhe ka shkëlqyer me Porton vitet e fundit.
Telles këtë edicion ka zhvilluar 37 ndeshje në të gjitha garat për klubin portugez, ku ka 10 gola dhe nëntë asistime.
Kampionët e Italisë duket se kanë fituar garën për brazilianin me gjigantin anglez Chelsea që gjithashtu interesohej për të.
Zonja e Vjetër besohet se do të paguaj 25 milionë euro për afrimin e Telles, pasi kontrata e lojtarit skadon në verën e vitit 2021 dhe ai nuk ka pranuar rinovimin me Porton.
Kujtojmë që Telles edhe më parë ka qenë pjesë e Serie A, kur ishte i huazuar te Interi në edicionin 2015/16.