Është shtyrë ndeshja mes Juventusit dhe Interit, e planifikuar të zhvillohet ditën e diel.
Të pesë ndeshjet e kësaj xhiroje në Serie A, të planifikuara të zhvillohen me dyert e mbyllura, janë shtyrë, me mundësinë për t’u zhvilluar më 13 maj.
Sëmundja infektive Coronavirus, ka marrë përmasa të mëdha të përhajes në Itali, duke bërë që të pezullohen shumë aktivitete, ku të pranishëm do të ketë turma të mëdha të njerzëve.
Edhe pse disa ndeshje të Serie A është pritur të zhvillohen me dyer të mbyllura, përfshirë edhe derbin Juventus – Inter, është vendosur që të gjitha të shtyhen.
Kujtojmë se edhe Superliga e Zvicrës ka shtyrë ndeshjet e kësaj fundjave.