Real Madridi mbrëmë pësoi humbje nga Real Betis me rezultat 2-1 dhe Mbretërit humbën përsëri kreun e tabelës.
Betis shënoi golin e epërsisë në minutën e 40, ndërsa para përfundimit të pjesës së parë u akordua penallti në favor të mysafirëve.
Penalltinë nuk e ekzekutoi Sergio Ramos, por Karim Benzema i cili u tregua i saktë dhe barazoi rezultatin.
Pas përfundimit të ndeshjes Ramos u pyet se a ishte vendimi i tij që t’ia lëshonte njëmbëdhjetëmetërshin sulmuesit francez.
“Po. Është shumë e rëndësishme si ndihet skuadra dhe gjërat individuale janë të rëndësishme. Ishte e mirë për të që ta ngrejë vetëbesimin”, ka thënë Ramos.