Hansi Flick ka firmosur kontratë tre-vjeçare me Bayernin e Munichut.
Flick u emërua si trajner i përkohshëm në nëntor, pas shkarkimit të Niko Kovac, ndërsa në dhjetor Bavarezët vendosën që 55-vjeçari ta drejtojë skuadrën deri në përfundim të sezonit.
Pas një ecurie të suksesshme që nga ajo kohë, Bayern tani e ka konfirmuar se Flick ka rënë dakord për të vazhduar marrëveshjen për të vazhduar deri në qershor 2023.
Flick ka regjistruar 18 fitore në 21 ndeshje si trajner i Bayernit. Bavarezët aktualisht janë në krye të tabelës në sezonin e pezulluar tashmë 2019-20, duke pasur një avantazh prej katër pikësh ndaj Borussia Dortmund.
Flick gjithashtu e ka dërguar me një këmbë Bayernin dhe në çerekfinalen e Ligës së Kampionëve, pas fitores 3-0 ndaj Chelsea si mysafirë.
🗣️ Karl-Heinz #Rummenigge: "The club is very happy with Hansi #Flick's work. The team has developed under his leadership and we're playing attractive football, which is reflected in the results."#MiaSanMia #Flick2023 pic.twitter.com/0g1e4VcLEx
— FC Bayern English (@FCBayernEN) April 3, 2020