Moise Kean i cili u transferua te Everton nga Juventusi verën e kaluar nuk ka arritur të ambientohet në Premier League dhe tani mund të rikthehet në Serie A.
Sipas Il Messaggero, Roma po konsideron transferimin e Kean nga Evertoni. Bisedimet mes palëve kanë filluar dhe Kean sipas të gjitha gjasave do të rikthehet në Itali këtë verë.
20-vjeçari filloi shkëlqimin te Juventusi, por për shkak të konkurencës së madhe në vijën e sulmit Biankonerët u detyruan ta shesin te Evertoni.
Roma beson se Kean mund të bëhet sulmues i madh në të ardhmen dhe do të tentojnë transferimin e tij në verë.