Ronaldo braziliani ishte dikur futbollisti më i mirë në botë por lëndimet e gjurit e ndaluan atë që të bëhej më i miri në histori pasi padyshim e kishte atë talent në këmbët e tij.
Ronaldo në Europë erdhi në fillim tek PSV Eindhoveen ku shkëlqeu dhe pastaj Barcelona e bleu atë për shifrën e 15 milionë eurove në 1996, shifër kjo që duket qesharake për ditët e sotme.
Braziliani në sezonin e parë shënoi plot 47 gola në 49 ndeshje duke mahnitur të gjithë fansat e futbollit.
Mirëpo vetëm pas një sezoni ai u largua nga Barcelona për tu transferuar tek Inter.
Pas 22 vitesh ‘Fenomeni’ tregon se arsyeja që u largua nga Barcelona ishte se aty nuk e vlerësuan sa duhet atë pasi i ofruan një kontratë jo të mjaftueshme dhe për këtë arsye vendosi të transferohej tek Inter e cili i ofroi një pagë shumë më të lartë.
Me Neroazzurët ai shënoi 59 gola në 98 ndeshje të zhvilluara ku lëndimet në gju e penguan shumë që të jepte maksimumin në Serie A.