Largimi i Xherdan Shaqirit nga Liverpool gjatë kësaj vere tashmë është bërë i ditur zyrtarisht.
Kosovari nuk gjeti hapësirat e duhura tek Liverpool dhe ka kërkuar largimin nga skuadra e Jurgen Klopp.
Pas tij janë vënë skuadra si Sevilla, Galatasaray, CSKA Moscow dhe Roma.
Mirëpo kohëve të fundit interesim ka shfaqur edhe Borussia Dortmund e cila është e gatshme për një transferim pasi sulmuesi i saj Jadon Sancho pritet të largohet gjatë kësaj vere dhe Shaqiri mund të jetë zëvëndësuesi i tij.
Zviceriani me prejardhje nga Kosova më herët ka zhvilluar 2 sezone e gjysmë me Bayern Munich ku fitoi të gjithë trofetë e mundshëm me bavarezët.