Juventus po shqyrton mundësinë e transferimit të mbrojtësit të djathtë të Atletico Madrid, Kieran Trippier.
Maurizio Sarri nuk është i bindur me paraqitjet e Mattia De Sciglio dhe Danilo dhe për këtë arsye kërkon ta përforcojë këtë repart të mbrojtjes.
Nga ana tjetër 29 vjeçari anglez akoma nuk i ka mbushur një vit prej transferimit tek Los Colchoneros dhe ka hasur probleme për tu përshtatur me lojën e skuadrës nga kryeqyteti spanjoll.
Nuk dihet sa mund ti kushtojë ky lojtar ‘Zonjës së Vjetër’ pasi Atletico e transferoi atë verën e kaluar për shifrën e 22 milionë eurove.