Me një kontratë deri në fund të këtij sezni me PSG, Thiago Silva akoma nuk ka rinovuar me francezët dhe braziliani me shumë mundësi do të vazhdojë karrierën e tij diku tjetër pas kësaj vere.
35 vjeçari në 2012 u transferua prej Milanit tek PSG për shifrën e 42 milionë eurove dhe qysh atëherë ka zhvilluar më shumë se 300 ndeshje për kampionët e Ligue 1.
Milan ka shfaqur interesim për ta rikthyer atë në San Siro mirëpo kjo gjë tani duket se nuk është shumë e lehtë pasi në garë ka hyrë edhe Everton me në krye Carlo Ancelottin i cili ka kërkuar transferimin e tij në Premier League.
Mirëpo e ardhmja e brazilianit mbetet akoma e paqartë pasi ka raportime që thonë se ai mund të rikthehet në Brazil tek Fluminese.