E përditshmja spanjolle Don Balon ka lëshuar një lajm bombastik, duke shkruajtur se Messi dhe Griezmann janë përleshur mes vete.
Mediat spanjolle, shkruajnë se kjo ka ndodhur në stërvitjen e parë pas ndeshjes Sevilla-Barcelona.
I gjithë konflikti ka filluar pasiqë Griezmann ka fajsuar Messin se nuk e ka asistuar atë dhe se do ta fitonin ndeshjen nëse argjentinasi do tia kishte pasuar topin atij gjatë një rasti. Kjo sjellje nuk i ka pëlqyer Messit dhe ka filluar përleshja mes tyre.
Ky duket si një lajm i pabesueshëm, por që nga transferimi i tij te Barcelona, Griezmann nuk ka arritur të ambientohet aspak dhe për këtë flasin edhe statistikat.
Barcelona e humbi kreun e tabelës, pasiqë mbrëmë Reali e mposhti Sociedadin dhe tani i pret një fund i vështirë i kampionatit.