Arsenali ka fituar me shumë vuajtje në transfertë ndaj Southampton me rezultatin 0-2.
Ekipi i trajnerit Mikel Arteta mori një fitore pas dy ndeshjesh që humbiste duke marrë pikët e para pas rifillimit të kampionatit anglez.
“Topçinjtë” shënuan nga një gol për çdo pjesë. Rezultati i ndeshjes u zhbllokua në minutën e 20′ nga i riu Eddie Nketiah. Ky i fundit përfitoi nga gafa e portierit Alex McCarthy dhe skuadra e tij kaloi në avantazh. Pjesa e parë u mbyll me këtë rezultat.
E dyta foli sërish për Arsenalin që luftoi më shumë. Vendasit mbetën me 10 futbollistë, pasi Stephens mori karton të kuq në minutën e 85′. Arsenali e shfrytëzoi mjaft mirë një mundësi të tillë dhe gjeti golin e dytë në të 87′ me anë të Willock.