Mbrojtësi i krahut të djathtë Sergino Dest është pranë transferimit te gjiganti italian.
Mediat italiane raportojnë se Ajax është i gatshëm ta shesë 19-vjeçarin nëse në adresë të klubit arrin oferta prej 20 milionë eurove dhe Juventus është skuadra e interesuar për të.
Sarri nuk është i kënaqur me paraqitjet e Danilos dhe ka kërkuar nga Agnelli një përforcim për krahun e djathtë dhe Paratici ka piketuar Dest si përforcimin ideal.
Dest rrjedh nga akademia e Ajax, ndërsa luan për përfaqësuesen e Amerikës. Këtë sezon ka luajtur 36 ndeshje dhe ka shënuar dy gola si dhe gjashtë asistime.