Manchester United ka një kohë të gjatë që është vënë në ndjekje të mbrojtësit të Juventusit, Matthijs de Ligt.
Siç raporton Evening Standard, një transferim i talentit holandez duket paksa i vështirë duke marrë parasysh faktin që mbrojtësi po kalon vetëm sezonin e parë tek Zonja e Vjetër.
De Ligt e tregoi veten si njëri prej talenteve më premtues gjatë kohës sa ishte tek Ajax dhe vazhdoi të bindë me formën e tij edhe tek skuadra nga Torino.
Manchester United nga ana tjetër është shumë e interesuar për një qendër mbrojtës të tillë pasi Ole Gunnar Solskjaer kërkon një mbrojtës kualitativ për ta bërë bashkë me Harry Maguire.