Sipas raportimeve të fundit, Xherdan Shaqiri ka përfunduar në shënjestrën e Lazios.
Lacialët kanë kthyer vëmendjen kah Shaqiri, pas dështimit me David Silvan. Lazio ishte shumë pranë transferimit të Silvas, por në momentet e fundit spanjolli vendosi që të transferohet te Real Sociedad.
Tani Igli Tare ka nisur sulmin për transferimin e Shaqirit nga Liverpooli. Lajmin e ka bërë të ditur gazetari i njohur italian Nicolo Schira.
28-vjeçari është i gatshëm të largohet nga Anfield, ndërsa Lazio do të duhet të paguaj 15 milionë euro për transferimin e tij.