Juventus është në kërkim të një qendërsulmuesi dhe lista e kandidatëve potencial sa vjen e shtohet.
TodoFichajes, raporton se futbollisti i fundit që ka përfunduar në shënjestrën e Biankonerëve është Donyell Malen. Holandezi ka shkëlqyer sezonin që lam pas duke shënuar 17 gola dhe 9 asistime në 25 ndeshje të luajtura.
Malen ka qenë i lidhur me një transferim te Milani, mirëpo tani në garë është futur edhe Juventus dhe Biankonerët kanë kontaktuar agjentin e tij Mino Raiola.
Vlera e holandezit në treg është rreth 25 milionë euro, ndërsa PSV kërkon 40 milionë euro për lirimin e tij. Bisedimet pritet të fillojnë ditët në vijim.
Malen është vetëm 21-vjeç dhe do të ishte një përforcim afatgjatë për Juventusin.