Scudetto do të rikthehet në Meazza: Ja formacioni i Interit për sezonin e ardhshëm

Nga tani e deri në fundin e merkatos së futbollit do të dëgjojmë gjithçka të mundshme.

Tuttosport, ka publikuar formacionin e mundshëm të Interit për sezonin e ardhshëm.

Në portë pa asnjë dyshim mbetet mbetet Saimir Handanovic.

Konfirmohet edhe mbrojtja me tre lojtarë. Në qendër gjejmë gjithmonë De Vrij (Ranoçhia zëvendësuesi), me Bastoni-n (ose Kolarov) në të majtë dhe Kumbulla në të djathtë.

Ylli kuqezi, në fakt, mbetet objektivi numër një i zikaltërve për mbrojtjen. Risia do të ishte në stol, ku Conte do të linte të rilindurin Godin (nëse nuk shitet) dhe duhet të heqë dorë nga Skriniar, zhgënjyes në sezonin e kaluar, por që mund të pasurojë arkat e klubit.

Në mesfushë gjejmë Hakimi-n në krahun e djathtë, rezerva e  cilit duhet të jetë Candreva, ndërsa Moses nuk duhet të jetë më pjesë e skuadrës.

Në qendër Barella me Vidal mund të ndërrohen mes tyre, ndërsa Ndombele do të merrte vendin e Gagliardini-t. Megjithatë, goditja perfekte për Conte-n do të ishte N’Golo Kante, i cili do ta kishte të siguruar fanellën e titullarit.

Më pas, në të majtë, hapësirë për Emerson Palmieri-n, i cili do të kalonte në hierarkinë e Conte-s Young dhe Biraghi-n, të cilët do të mbeteshin në ekip.

Mbeten disa dyshime në lidhje me lojtarin që do të aktivizohej mbrapa dy sulmuesve. Në balotazh për këtë pozicion janë Eriksën dhe Sanchez.

Në sulm, Lukaku-Lautaro. Një dyshe që Conte do ta konfirmonte pa probleme, por zërat e merkatos në lidhje me Demin shqetësojnë akoma milanezët.

Formacioni i mundshëm i Interit për sezonin e ardhshëm:

Handanovic; Kumbulla, De Vrij, Bastoni (Kolarov); Hakimi, Barella/Vidal, Ndombele (Kante), Palmieri; Sanchez/Eriksen; Lukaku, Lautaro.

LEAVE A REPLY

Please enter your comment!
Please enter your name here