Që nga transferimi i Cristiano Ronaldos te Juventusi, është spekuluar shumë edhe për një transferim të Marcelos te Zonja e Vjetër.
Një gjë e tillë nuk u materializua asnjëherë, mirëpo braziliani duket se do ta vazhdojë karrierën në Serie A.
E përditshmja spanjolle AS, raporton se interesim për Marcelon ka shfaqur Interi.
Antonio Conte është i vetëdijshëm se Kolarov nuk do të mund ta mbulojë i vetëm krahun e majtë dhe ia ka kërkuar Marottas transferimin e Marcelos.
Marcelo nuk bën pjesë në planet e Zidane dhe Perez është i gatshëm ta lërë të lirë të largohet.
32-vjeçari ka kontratë me Los Blancos deri në vitin 2022, ndërsa vlera e tij në treg është rreth 15 milionë euro.
Bisedimet pritet të fillojnë ditët në vijim dhe marrëveshja mund të arrihet shumë shpejtë shkruan AS.