Rodrigo De Paul duket se ka dëshirë që të largohet nga Udinese mirëpo jo nga Italia pasi më herët këtë muaj refuzoi një transferim tek skuadra ruse e Zenit St.Petersburg.
Fiorentina është skuadra italiane që ka hyrë më së fundmi në garë për shërbimet e tij.
La Nazione raporton se La Viola është e gatshme për të nënshkruar me të mirëpo favoritja kryesore në këtë garë mbetet akoma Napoli.
Për 26 vjeçari skuadra friuliane ka kërkuar plot 40 milionë euro, shifrë kjo e lartë si për Napolin ashtu edhe për Fiorentinën mirëpo nuk përjashtohet mundësia e uljes së çmimit në qoftë se fillojnë bisedimet mes palëve.