Shtëpia mediatike nga Milano, Mediaset, ka lëshuar një lajm bombastik duke raportuar se Reali dhe Interi kanë gati një super operacion.
Mediaset, raporton se Los Blancos synojnë transferimin e Lautaros këtë verë dhe Perez është i gatshëm të ofrojë 100 milionë euro për bomberin argjentinas.
Por kjo nuk është e gjitha, përveç 100 milionë eurove, Reali do ta huazojë Jovicin te Interi për një sezon, ndërsa Neroaxurët do të kenë opsion blerjeje.
Reali është i gatshëm t’i ofrojë Lautaros kontratë pesë vjeçare dhe pagë prej 8 milionë eurove në sezon.
Me shitjen e Lautaros, do të krijohen kushtet financiare për Interin që ta transferojë Kanten nga Chelsea. Bisedimet siç shkruan Mediaset, pritet të fillojnë ditët në vijim.