Mbrojtësi i Schalkes Ozan Kabak, ka rënë në radarët e skuadrës së Milanit e cila po kërkon të sigurojë shërbimet e tij para Interit.
Rossonerët kërkojnë që sa më shpejtë të përforcojnë repartin e mbrojtjes pasi momentalisht alternativat e vetme në mbrojtje janë Simon Kjaer dhe Matteo Gabbia.
Siç raporton Tuttosport, prioriteti aktual i Milanit është blerja e një qendërmbrojtësi.
Milan ka qenë shumë e interesuar edhe verën e kaluar për Kabak mirëpo turku zgjodhi Bundesligën.
Nga ana tjetër edhe Inter është e interesuar për të në rast të shitjes së Milan Skriniar mirëpo tani që Milan ka hyrë në garë duket shumë e vështirë për të arritur deri tek ky transferim.