Përfaqësuesja e Kosovës dhe ajo e Greqisë kanë publikuar tashmë formacionet zyrtare për ndeshjen e radhës në Ligën e Kombeve.
Dardanët janë mysafir të helenëve në ndeshjen e katërt të vlefshme për Grupin 3 në Ligën C të Ligës së Kombeve, takim që zhvillohet nga ora 20:45 në stadiumin “Spyros Louis” të Athinës.
Djelmoshat e përzgjedhësit Bernard Challandes vijnë në këtë udhëtim nga një barazim dhe dy humbje, ndërsa synojnë të dalin me rezultat pozitiv nga ky udhëtim.
Në anën tjetër, vendasit kanë një barazim dhe dy fitore, ndërsa duan fitoren e tretë me radhë për të mbajtur pozitën e parë në grup.
Challandes ka vendosur të bëjë disa ndryshime nga formacioni i fundit ndaj Sllovenisë, shkaku edhe i mungesave të shumta, ndërsa ka ndryshuar edhe modulin në 3-5-2.
Mërgim Vojvoda kthehet nga minuta e parë, titullarë është Lirim Kastrati, ndërsa debuton Florian Loshaj.
Kapiten i ekipit në këtë ndeshje kapiten do të jetë Herolind Shala.
Kosova: Muric; Vojvoda, Dresevic, Aliti; Hadergjonaj, Shala, Loshaj, Celina, Paqarada; Kololli, Kastrati;
Greqia: Vlachpdimos; Hatzidiakos, Svernas, Tzavellas, Giannoulis, Kourbelis, Zeca; Limnios, Bakasetas, Mantalos; Pavlidis