Liverpool-i e ka nisur me fitore aventurën në këtë edicion të Champions League. Nuk ka qenë e lehtë për lojtarët e Klopp mbrëmjen e sotme në Johan Cruijff Arena.
Të Kuqtë, në fakt, kanë fituar 1-0 falë një autogoli të pabesueshëm të Tagliafico-s në minutën e 35-të. Fati ka ndihmuar kampionët e Anglisë të marrin tri pikët e para në grup, por jo kreun.
Kryesuesja e Grupit D është Atalanta, që ka shkatërruar 4-0 mbrëmjen e sotme debutuesit e Midtjylland. Zikaltrit kanë harruar humbjen 4-1 të pësuar në kampionat kundër Napoli-t, duke marrë një fitore bindëse në Europë.
Një fitore që është siguruar në pjesën e parë falë golave të Zapata-s (26′), Gomez (36′) dhe Muriel (42′). Goli i katërt është realizuar në fundin e dytë nga blerja e re Miranchuk (89′).