Sulmuesi i Interit, Lautaro Martinez është objektivi kryesorë i drejtuesve të Manchester United, raportojnë mediat britanike.
Lautaro Martinez është i lidhur me një largim nga Interi për një kohë të gjatë, ndërsa Barcelona konsiderohej si favorite për transferimin e tij.
Mirëpo Djajtë e Kuq kanë gati ofertën joshëse për Interin dhe janë të gatshëm tia ofrojnë Neroaxurëve kartonin e Anthony Martial dhe 50 milionë euro për Lautaron.
Inter dhe Lautaro kanë nisur bisedimet për rinovimin e kontratës, mirëpo kërkesat e argjentinasit janë të papërballushme për Neroaxurët.
Për këtë shkak Inter mund ta pranojë ofertën e United, por edhe për faktin se Conte e pëlqen shumë Martial-in.