Riqui Puig në Serie A.
Që nga ardhja e Ronald Koeman te Barcelona, Riqui Puig nuk po luan aspak, pasiqë stili i tij i lojës nuk përshtatet me skemën e strategut holandez.
Katalanasit ishin të gatshëm ta huazojnë atë, mirëpo Puig vendosi që qëndrojë te Barcelona dhe të luftojë për vendin e titullarit.
Mirëpo 21-vjeçari nuk po fiton aspak hapësira dhe sipas të gjitha gjasave do të largohet nga Barcelona në janar.
Don Balon, raporton se interesim për huazimin e Puig ka shfaqur Juventusi, pasiqë Pirlo e pëlqen shumë atë.
Pirlo beson se arsyeja kryesore e rezultateve jo të mira në sezonin e ri qëndron te vija e mesfushës.
Edhe pse i ri në moshë, Pirlo ia ka kërkuar Agnellit huazimin e Puig, pasiqë beson se 21-vjeçari mund ta ndihmojë skuadrën me kreativitetin e tij.
Juventus ka marrëdhënie të shkëlqyeshme me Barcelonën dhe marrëveshja mund të arrihet me lehtësi.