Neymar i ka dhënë një shuplakë të gjitha spekulimeve që e shihnin atë të rikthehej prapë tek skuadra e Barcelonës pasi vet lojtari tashmë e ka përjashtuar një opsion të tillë.
Neymar nuk dëshiron më transferimin tek Barcelona dhe rinovimi me skuadrën e Paris Saint Germain duket më pranë se kurrë, raportojnë kështu mediat franceze.
Braziliani ka kohë që po përflitet për një rikthim të mundshëm në Camp Nou mirëpo tani ai po pret rinovimin e kontratës me kampionët francezë për të vazhduar qëndrimin në Ligue 1.
Mirëpo asgjë nuk ka përfunduar përderisa tek Barcelona akoma nuk është zgjedhur presidenti i ri ku janë premtuar shumë blerje të mëdha nga kandidatët.