Florentino Perez po bëhet gati për verën e ardhshme dhe padyshim që do të jetë një merkato e pasur për Los Blancos.
Duket se transferimi i parë i skuadrës madrilene do të jetë sulmuesi i Interit, Lautaro Martinez.
Don Balon shkruan se Perez po bën gati një ofertë stratosferike ku argjentinasi do të përfitojë plot 10 milionë euro në sezon dhe këtë për 5 sezone.
Negociatat mes Interit dhe sulmuesit kanë ngecur për shkak të pagës sepse zikaltërit nuk ofrojnë më shumë se 5 milionë euro për të.
Pikërisht këtë gjë po kërkon ta shfrytëzojë presidenti madrilen i cili po bën gati një ofertë e cila duket e parezistueshme nga Lautaro i cili nuk duket shumë i vendosur për të ardhmen tek Interi.