Marc Marquez me Honda fitoi garën e radhës së Botërorit të Moto GP, atë të zhvilluar në pistën spanjolle të Aragon, duke hedhur një tjetër hap drejt rikonfirmimit kampion bote.
Në garën e shtëpisë, piloti spanjoll arriti të triumfojë pas një dueli rrotë më rrotë me rivalin e tij kryesor për titullin kampion, italianin Andrea Dovizioso (Ducati), që u klasifikua në vendin e dytë. Në podium u ngjit edhe një tjetër pilot italian, Andrea Iannone me Suzuki, që bëri një garë të mirë bashkë me shokun e tij të skuadërs Alex Rins, i katërti.
Për Marquez ky është suksesi i gjashtë për Marquez në këtë Botëror, duke shkuar në 72 pikë avantazh karshi Dovizioso me 5 gara nga fundi. Gara nis me surprizë që në start, pasi që në kthesën e parë rrëzohet Jorge Lorenzo, që dje siguroi pole position, duke i hapur kështu rrugën duelit mes Marquez e Dovizioso, me italian që e kryesoi garën shumicën e kohës. Por xhirot e fundit sfida bëhet e fortë, ku herë kryeson Marquez e herë Dovizioso, madje në një moment përfshihet edhe Iannone.
Pilotët e Suzuki duelojnë, por jo mjaftueshëm për të fituar garën, pasi kjo është një çështje mes dy më të mirëve. Marquez mbrohet mirë nga sulmet e Dovizioso dhe korr një fitore të merituar para fansave të tij, duke hedhur një hap të sigurt drejt titullit kampion. Një garë të mirë bëri edhe Valentino Rossi, që e nisi atë nga vendi i 18-të dhe e mbylli në të tetin, ndërsa shoku i tij i skuadrës Maverick Vinales u rendit në vendin e10-të. Gara e radhës e Botërorit, më 7 tetor në Tajlandë.
#MotoGP RACE ?@marcmarquez93 masters MotorLand! He wins another EPIC from @AndreaDovizioso ?@andreaiannone29 takes an impressive third! ?#AragonGP ?? pic.twitter.com/pApMwSjt9e
— MotoGP™??? (@MotoGP) September 23, 2018